记者节前夕，安利赞助中山电视台搞了个晚宴，邀请城中媒体出席，宴设国际酒店会议中心。本来以为去国际吃，应该不会差，而且早上的颁奖会8点要到，我实在起不来，于是选择去晚宴。

中午的时候，老爸特别致电：今晚个餐每围668，你仲去吃啊？当堂一盆冷水到头淋。但係个头都洗湿咗咯，唔去都唔得了。老爸仲话，有碟牛肉，还有很多菜，西洋菜、塘蒿、苋菜……算，我当吃斋。饭后还送咖啡奶茶，我顶，到底是什么餐？

去到坐落，就见到一大碟咖啡糖、沙糖摆咗係度，哼，果然係有咖啡奶茶，老爸所言不虚。望穿秋水，终于上汤——落咗好多生粉嘅粟米羹。然后又等啊等，上菜啦！不过是一人一份，辣椒炒牛肉。顶，究竟係咩餐来嘎？烂鬼辣椒牛肉都单碟上？！跟住又上一碟菇菌炒鱼，加辣椒……同事愤青男顶唔顺了，就算刚去东莞学习吃了两个礼拜饭堂都顶唔顺了，拿出100元，“帮我去楼下买两个全家桶上来！”无人理佢。100元边个出唔起？众目睽睽下捧着KFC入来，明显唔俾面领导，呢个镬，无人孭得起。于是佢收翻埋个100元，我们继续埋头苦等，等待那未知的难吃。

终于上炒饭了，酸菜炒饭，几鬼寒酸。拿拿临吃晒先，填饱个肚重要。唉，我都唔知几耐无试过夜晚在酒楼“吃饭”了。跟住上青菜。老爸所讲的多款菜，原来不是每款都有一碟，而是捞捞起，因此我吃的是西洋菜，而愤青男吃的是塘蒿，隔离的是苋菜……

之后，更奇怪的东西出现了——饼干！仲有蛋糕和芝士塔！哇，呢餐饭，真係中西合璧，够晒骑呢咯，就好像安利中山区个老总咁，不男不女，超级娘娘腔……

原来，668剩係包个几个中菜和咖啡奶茶，西点系安利自带……我顶，你无钱，好心就唔好係国际摆啦，简直就是当我们大乡里！侮辱我们人民记者！

领导正要上台嘅时候，我哋张台已经走晒。之后和某人去佳馔吃过，和老板娘胡太倾了很多，也终于邀请到大厨Raymon做我哋美食专栏作者，现场示范简单西餐做法。想学嘢嘅同学，记得留意逢周二出版嘅商报美食版了。

今日老爸又同我讲，昨日我专登上去厨房睇过d菜，发觉真係好差，不过你都决定去了，费事打击你，所以无同你讲。

天啊，呢个先至係打击啊！

因为好多原因，呢排都无时间写blog，搞到呢度空置太久，周围除了蜘蛛网外什么都没有，包括人气（最近的留言竟然是7天以前的！）……

决定上来打扫下。

一个月内去了三次旅游，月头去湖南凤凰，月中去韶关，月尾又去多次湖南，不过今次係去莽山。没有年假却胜有年假，以前在新快，边有咁好耍？

上次湖南之旅的衡山篇都未写，又要开始酝酿韶关游和莽山游的游记了……积积埋咁多嘢未写，唔知个脑会唔会结石呢？

强烈向大家推荐olympus相机，上次去民众玩，成部跌咗落水，我仲无咩反应，慢条斯理执翻佢上来，因为我知道佢有all weather功能，可以应付一般的湿身，无谂到原来潜水都得！攞翻上来咩事都无，一样伸得缩得闪得显示得。下次去攀山涉水，记得带埋佢。

好，扫完蜘蛛网，走先。